Бекат...
Вокзал....
Аэропорт...
Кўнгил...
Жўнаш жойи, қайтар қўнаргоҳ.
Қаердандир кетамиз  мудом,
Қаерларга қайтамиз гоҳ-гоҳ...

Қаердандир кузатарлар жим,
Келади деб кўнгиллари тўқ.
Қаердадир кутарлар илҳақ,
Қаердадир керагимиз йўқ!

Қай манзилдан кетамиз шодон,
Қаердандир сира истамай!
Бир манзилда кутарлар ҳамон,
Бошқа келишларни изламай!

Бекат...
Вокзал....
Аэропорт...
Кўнгил...

Малика Тавфиқ

KUYLADI - Matlobiddin ali - Malika tavfiqqa o'z minnadorligimizni bildiramiz